【同學變師姐】爆Mina畢業後生活多姿多采 馮盈盈:佢先係風頭躉
馮盈盈同學ina Yeung大專校花
日前在港姐首輪面試中,其中一個面試佳麗Mina Yeung報稱是港姐馮盈盈的同學,更曾經參加過模特兒比賽,Mina笑稱:「盈盈叫我平常心,have fun!」昨晚馮盈盈在將軍澳出席活動,提到Mina參選一事,盈盈說:「其實佢係同我一個學系嘅師姐,佢謙虛啫,但係我都要尊稱番佢做師姐,話晒佢大我一年,又早過我畢業。」
盈盈還說:「我哋有一齊參加過攝影學會嘅模特兒活動,佢喺大學嘅時候,已經係風頭躉,嗰陣我仲係寂寂無名,不過我喺大學贏得大專校花呢個美譽,其實都係因為佢,我先有『食營校花』呢個稱號,大家誤會咗我做佢,之前有人話我係港大校花,我已經話係一場誤會,佢先係校花!」盈盈又說:「佢仲係我偶像添,因為佢畢業之後試過好多唔同工種,好似做過空姐,嗰陣我又未畢業喎,所以真係覺得多姿多采,所以今次見到佢參加,都覺得佢真係好有潛質。」
Mina聲稱事前曾向她請教,盈盈笑說:「其實好多朋友都有搵我,好似湯洛晴(現名:黃嘉雯)都係我嘅朋友,我未入行已經識佢,佢喺面試前都有問我意見,我覺得佢好有潛質,做過模特兒又有選美經驗,嗰陣已經有引薦過,估唔到1年後佢真係參選。」之不過聽到湯洛晴以黃嘉雯的名字參選,盈盈的反應就有點愕然。
-----------------------------
7月4日起 《蘋果動新聞》只限升級壹會員閱覽
繼續撐蘋果!