本港武肺疫情反覆，政府今宣佈進一步放寬防疫措施，「限桌令」由2人一桌放寬至4人一桌。有經營西餐廳的東主直言，受疫情影響及禁晚市堂食，上月生意額已大跌9成半，即使放寬限桌令，「吊緊鹽水，（放寬）只係死得冇咁快」，直斥政府仍堅拒全面封關，抗疫不力，「完全係特首林鄭月娥嘅責任」。

尖沙嘴山林道西餐廳JUST’er Bar & Restaurant負責人許先生稱，自政府禁晚市堂食後，其餐廳上月生意額急跌9成半，「一日未零確診，市民唔敢出街食飯，加上而家經濟唔係太掂，好多人仲放緊無薪假，都冇錢出嚟食嘢⋯⋯政府又派得嗰一萬蚊，但（政府）送咗幾億做全民檢測。」他又稱，午市生意額只佔餐廳總生意額不足一成，「上個月做午市，每日都做得1,000蚊」。而早前申請政府的抗疫基金，至今仍未獲發全數資助，「到而家都未批晒畀我，仲有一期約12萬未找數」。

政府最新宣佈周五起食肆可4人一桌，許先生直言，其餐廳只有約700呎，跟足1.5米等規矩，只能放到10張枱，「4人一枱點都好過2人，但吊緊鹽水，（放寬）只係死得冇咁快」。他又透露，疫情下除了要開源節流，更以成本價推出「一蚊一克和牛」吸客，「惟有用呢啲方法吸返啲客人返嚟」。他批評，政府仍堅拒全面封關，「完全係特首林鄭月娥嘅責任」。

而麻雀天九耍樂場所周五亦可重開，香港麻雀娛樂公司負責人張家寧稱，歡迎政府最新決定，「開返可以做返生意梗係開心啦」。他又稱，麻雀館已停業50多日，至今損失無法估計，「唔想諗啦，諗就唔開心啦」。而當麻雀館重開，將有一系列防疫措施，包括入內必須戴口罩、量體溫及使用消毒搓手液，而每次新牌局亦會用消毒用品清潔。

不過，最新防疫抗疫措施下，卡拉OK、派對房間、夜總會及酒吧等仍要繼續關閉。香港酒吧業協會副主席錢雋永直言，政府的決定令業界十分憤怒。他稱，現時約2,000間持有餐廳牌的酒吧可營業，但大約1,280間只持酒牌的酒吧卻要繼續關閉，斥政府持雙重標準，「大細超，純酒吧都要交租、要出糧，佢哋都好辛苦。」他稱，將約見政府盼可聆聽業界苦況，亦會向政府提出酒吧有限度開放的方案，包括縮短營業時間，「以前賣酒賣到朝早5點，可唔以傾吓賣到3點」，望政府容許酒吧開門做生意。

Red MR公關部表示，武肺確診個案減少，被勒令停業的部份行業已陸續復業，但卡拉OK仍須繼續關閉，對業界不公平，「麻雀館開返、主題樂園都話有時間表下星期可以開，點解卡拉OK、酒吧仲未開得？完全唔理解政府做法」。該公司直言，業界願意配合政府防疫措施以換取復業，「或者政府話畀我哋聽，我哋要做啲咩防疫你先畀我哋開返呢？」但現時無了期停業，「（政府）有啲咩可以補償呢？我哋好似無了期停業，你畀個時間表我、畀個方案我哋，同事我哋都要安排，每星期都等緊開工、復業，但政府冇時間表」。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！