「我有次試過食食吓飯嘅時候，隻假眼突然之間跌咗出嚟，嚇親坐喺我隔籬嗰個人，當時我真係好尷尬。」阿偉說出其中一次令他難堪的經歷。
缺陷遭同學取笑
十五年前，當時只得四歲半的阿偉仍在鄉間海南生活，有一次他與友人落田玩耍，當時有一些人正在玩射擊，阿偉左眼竟被一支長度與筷子相若的箭矢射中。
「事發之後我被送到醫院做手術，但隻眼已經再睇唔到嘢，九二年因為眼球細菌感染，於是再做手術將眼球摘除，然後配咗一隻義眼。」阿偉徐徐道出兒時一段慘痛經歷。
然而，阿偉童年的不幸遭遇不僅未獲別人的同情和諒解，他於九七年來港入學時，其缺陷更被同學當作笑柄，對他肆意侮辱，令他心靈飽受創傷，導致性格內向，失去自信，生活圈子十分狹窄。阿偉讀至中三便已輟學，踏足社會做事。
由於阿偉的義眼沿用超過十年，當時製造義眼的技術甚低，質素差劣，加上阿偉不斷發育，該隻義眼大小已經不合，令阿偉每次戴上時均感不適。
「除咗大細唔啱外，亦搞到我眼窩成日發炎流膿同埋頭痛，影響到我嘅工作，所以義眼師建議我配隻新嘅義眼，不過要八千蚊，我真係冇辦法負擔。」阿偉無奈地說。