【19歲做義工】曾見非洲人飲灰色水 楊淇眼濕濕：學會珍惜
蘋果日報 2017/12/02 12:58
楊淇仁人家園領袖清潔義工日
攝影：羅慧敏
楊淇今日去何文田為「仁人家園領袖清潔義工日」帶領100位義工探訪兼幫長者屋企清潔，楊淇話：「會幫30個長者家庭清潔，我覺得屋企係每個人嘅核心，我好鍾意老人家，因為佢哋為社會付出好多，佢哋需要人幫助，年青人都要有心去幫，幫得幾多得幾多，我仲會去拜訪一家70幾歲嘅年長夫婦，好開心，可以去聽吓佢哋嘅人生同生活態度，順便偷吓師。」楊淇仲憶起19歲時第一次做義工，跟宣明會去非洲探訪，見到資源同食物嘅短缺，佢眼濕濕話：「佢哋飲嘅水全部都係灰色，我細個都會揀飲擇食，嗰次之後就知道自己好幸福，學會珍惜。」
楊淇早兩年太忙，今年就不停去旅行叉電 ，先後去過新加坡、沖繩、泰國同台灣， 寫意完之後，最近就積極番工作，嚟緊就傾緊拍攝網劇。
更多娛聞，喺晒《娛果》
http://fb.com/appledailyent
楊淇台上分享自己做義工的經歷。
今日佢就替長者打掃家居。