日本動漫《反斗小王子》嘅主角邪留丸曾大受歡迎，趁住呢套作品踏入20周年，NHK電視台今日宣佈會開拍真人版短劇，安排在11月3日播出。

為紀念《反斗小王子》嘅20周年，NHK已定11月1日起一連兩天播出分成上下集嘅全新動畫，緊接會於11月3日有一齣10分鐘嘅真人版短劇推出。真人版會交代邪留丸已經17歲，其實在去年播出動畫《邪留丸17》中，已交代5歲嘅邪留丸變成一個17歲少年，電視台起用19歲男模優太郎擔任少年版邪留丸，仲有片段率先曝光，不過暫時只公開主角嘅背面造型。