陳彥行一向是「狗痴」，本身飼養了多頭犬隻；然而她對其他小動物同樣有愛心，今日她在社交網上載了幾段短片，透露早前返大陸工作，緣份給她遇上一隻快將成為桌上食物的啡色兔仔，最後她花了380元人民幣把牠買下，讓肥嘟嘟的啡色兔仔逃過一劫。

陳彥行留言寫：「前陣子返大陸做嘢，喺一間農家菜館食午飯，見到呢隻大啡兔，知道佢將會成為餐桌上的食物，真係於心不忍，於是問個老闆娘隻兔點賣？佢話60蚊一斤，咁我話呢隻兔有幾斤啊？佢話有七斤 (我目測唔似有咁重囉）因為咁我就將隻兔改咗個名叫做『七斤』，最後同佢講吓價， 就用咗380人民幣買落嚟，跟住就送去啱啱新相識嘅內地朋友屋企暫住先。」

不過，由於陳彥行朋友對飼養兔子沒有經驗，因餵食問題令「七斤」肚痾幾乎喪命，幸趕及往獸醫診所，現在已經過了危險期。陳彥行其中一個貼文寫：「已替『七斤』找到了好人家了，『七斤』真有福氣，排除萬難終於能過上好日子了，祝福『七斤』永遠幸福快樂，感激為『七斤』付出過的每一位善長人翁。

-----------------------------
想知今年愛情事業健康運勢？
十二星座運程指南點擊即睇！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇