張韶涵同阿爸阿媽嘅瓜葛，真係剪不斷，理還亂。張韶涵喺喺2000年出道即走紅，不過佢命途坎坷，事業走紅時，突然診斷出遺傳性心臟病，要飛去加拿大做手術同停工休養。之後就不時爆出家醜，包括有指張母趁張韶涵去咗加拿大醫病，就轉走佢賺嘅2,000萬港元積蓄，又傳張韶涵趕母離家，一連串負面新聞衝著她而來。09年6月，張韶涵接受傳媒訪問，灑淚澄清傳聞，並稱：「母女緣分到了，無法強求。」

之後，父母離婚，雙方都指控佢不供養。今年，張韶涵參加大陸歌唱比賽《歌手2018》，翻唱一首冷門歌曲《阿刁》人氣反彈，近日就被舅父姜禮樂爆seed，大呻張張韶涵阿媽要去越南打工謀生，而張爸爸就欠人財務15萬港幣外，仲要做手術坐輪椅。(新聞連結： https://bit.ly/2LcoIcx )

但今日就有讀者向台灣《蘋果》爆料，指質疑張母赴越南工作，實為家族事業，並非要淪為打工一族，月薪1.2萬新台幣(約3千港元)。有指張母姜柔伊嘅哥哥姜禮國，4月15日喺fb分享越南牛排店開幕嘅相，其中當地員工大多身穿紅色制服，相反姜柔伊只穿藍色便服、戴鮮豔頭巾，滿臉笑意，同姜禮國率領員工祭拜，就似其中一個老闆嘅姿態咁，姜禮國貼文底下有網友留言，也多向他祝賀「生意興隆」，姜禮國也親回「謝謝啦」，種種跡象顯示，姜柔伊及姜禮國似乎並非僅是調醬料、煎牛排嘅打工一族。

而台灣《蘋果》就向舅父姜禮樂了解事件，佢解釋話姜柔伊、姜禮國係欠牛排館老闆嘅錢，堅稱姜柔伊係去越南打工還債，並非經營者，牛排館也跟家族事業無關，姜柔伊不想再理與女兒張韶涵嘅紛擾，出國打工兼散心。姜禮樂又氣憤地提及張韶涵曾說：「每個月給父母6萬生活費以及各買1棟房」，佢話請張韶涵出示匯款證據，若她有匯錢，「有6毛的話，我就以舅舅的身分向她跪下磕頭，讓她當馬桶坐」。

但有一位喺台經商嘅越南人睇咗姜禮國嘅名片，表示姜禮國一定是老闆，而且1.2萬元新台幣月薪在越南當地來說很高，當地一般餐廳員工月薪最多5千元新台幣(約1,250港元)，因此認為姜柔伊絕非只是打工煎牛排。

精選娛聞，喺晒《娛果》
http://fb.com/appledailyent