【再合體】衛詩重提人生低谷期 感恩衛蘭做天使
蘋果日報 2019/09/24 13:40
衛蘭衛詩
衛蘭和衛詩兩姊妹再合體。
衛蘭（Janice）和衛詩（Jill）這對好姊妹，早前遠赴多倫多等地，出席生命分享會，透過自身經歷，鼓勵失意的靈魂。二人將於下月再度合體，參與「一首歌一個希望」慈善音樂及生命分享會2019。
兩姊妹坦言從小因受到親朋好友的比較，令二人從小心存競爭，Janice坦言：「我哋細個感情唔好㗎，始終我哋係孖生姊妹，由細到大都被別人比較，自自然然令我哋產生咗一份競爭嘅心態，所以我哋成日吵架，無辦法用平靜嘅心態同對方溝通。」
不過十年前，衛詩在日本因涉嫌藏毒案，被唱片公司終止合約。曾遇低谷期的她不諱言：「以前嘅我曾經好迷失，嗰段日子可以話係人生最低谷嘅時期，咁大個女從未經歷過咁抑鬱、咁孤獨嘅時間，我唔敢出街，只係想收埋自己，試過想放棄一切。」現時Jill除了身體力行投身慈善工作，亦希望藉着歌曲，鼓勵同路人走出低谷。
Jill形容姐姐Janice正是她的天使，而鄭秀文的鼓勵也是雨後春筍，她說︰「當時Sammi帶咗好多書嚟探我，其中一本就係我嘅第一本聖經，佢同我講：『就算所有人都覺得你唔好，唔緊要，最緊要係神點睇你、你嘅身份係神嘅女兒，唔好介意其他人嘅話語。』我感受到神嘅力量，係實在地拯救咗我。」
二人笑聲不斷，衛詩（右）直言現時內心最舒適和平靜。
兩姊妹視對方為最好的朋友。