二人女子組合Twins聲勢強勁，前晚在商台頒獎禮勇奪三大獎，分別是「叱咤樂壇我最喜愛的組合」、「叱咤樂壇生力軍組合」金獎及「叱咤樂壇組合」銀獎，成績比師姐容祖兒還佳。

自稱死期到
一直盛傳英皇因集中火力催谷Twins，至忽略祖兒，使其聲勢減弱，不過祖兒前晚打敗王菲及楊千嬅得女歌手銅獎時，她在台上竟謂：「我成日聲沙，好似死期到，以為玩埋今年就冇。」
事後祖兒在慶功上說：「我自己都做過新人，新人係要多啲時間照顧，𠵱家我唔係新人，就要自己諗辦法爭取機會。」而Twins成員鍾欣桐則說：「一直以嚟啲人都覺得組合一定會拆夥，公司冇話過會拆夥，Twins係永遠都有，我哋都未收到通知話加人，其實多個人多分力量都好。」
此外，Twins昨日到觀塘出席港台「第四屆香港傑出少年選舉」記者會，二人更被委任為「傑少之星」。