Emma Stone頒最佳導演，莎莉荷堅絲（Sally Hawkins）主演話題作《忘形水》（The Shape of Water）事前獲13個提名，包括最佳電影、最佳導演、最佳女主角等，不過墨西哥導演吉拿域戴拖路（Guillermo del Toro）捲入抄襲醜聞，佢被指抄襲1969年嘅作品《Let Me Hear You Whisper》，兩者主角都係女清潔工人，《Let Me Hear You Whisper》故事講女主角於研究實驗室與一條被困住嘅海豚有特別聯繫，並嘗試拯救，更指出兩個故事有超過60個相同之處。

已贏得金球獎最佳導演嘅吉拿域戴拖路，在近月來嘅是非中奪獎，擊敗《不得鳥小姐》（Lady Bird）嘅女導演Greta Gerwig及《訪．嚇》（Get Out）嘅黑人導演Jordan Peele等對手。

吉拿域戴拖路領獎時謂：「我係一個移民，過去25年一直住喺不同國家，不過呢個就係做呢個行業嘅特別之處。我好多謝一路陪我走過嘅人。」又感謝家人同小朋友。台上的莎莉荷堅絲為之感動流淚。

今次係五年來第四次墨西哥人摘奧斯卡最佳導演。