韓國女星經常都會為時裝雜誌或者品牌影靚相，當中佢哋都好大方，露肉會比平時多好多，騷腿之餘亦會晒吓事業線。

好似近日孔孝真就為鞋品牌SuecommaBonnie嘅最新秋冬聯名系列影咗一輯相，孔孝真身材出名均勻，加上一雙修長嘅美腿，真係羨慕死人。而今次佢為品牌都影咗好多張相，晒佢一雙美腿自然係常識吧，隨便一個甫士都引死人。

另外，即將喺美國出道嘅女團2NE1成員CL，近日亦都為雜誌拍咗一輯相，佢亦好大方着上啲類似SM感覺嘅皮服嚟拍照，大晒事業線，亦有露吓背咁，佢喺訪問中就大談自己喺美國同埋與好友們之間有趣嘅故事，亦都有分享頭髮保養及運動嘅心得。