當年今日
關於我們

【游生被利用】「被代言」宣傳美容產品 袁文傑:從來唔係代言身份!

蘋果日報 2017/06/15 17:05

聲明袁文傑

喺亞視過檔無綫嘅45歲袁文傑,最近喺劇集《不懂撒嬌的女人》入裡,做宣萱同林文龍嘅霸氣大老闆游生,而令佢人氣急升,雖然呢套劇告一段落,但係游生嘅威力依然存在,唔少活動同宣傳訪問都見到佢嘅蹤影!
不過今日袁文傑喺fb貼出聲明,原來最近有一啲美容品牌將佢啲相用嚟做生招牌,話因為用咗佢哋啲產品先keep得皮光肉滑,叫啲男士即刻預約試用,袁文傑話因為有唔少fans問佢呢件事,所以佢決定出一個聲明澄清!
袁文傑接受傳媒訪問,佢話:「係呀!我都想澄清返呢件事,我從來都唔係代言身份,亦都冇用過佢啲產品,因為有啲人覺得用咗我嘅圖像可以幫到佢哋嘅宣傳,可以幫到啲產品,但係對消費者或者我自己嚟講,都唔係太好,所以咪出個聲明,唔想混淆成件事。」

聲明如下:
就近月有關MAIONE品牌之銷售網絡多次以不同專頁於社交平台及網站出帖,內容意指袁文傑為此產品之真實用家,有誤導消費者之嫌,本人有以下回應:本人袁文傑未曾使用過MAIONE產品,有關相片屬早年出席該公司活動時所拍攝,本人已沒有再接觸該公司及其品牌產品,亦並非真實用家,更沒有與該品牌簽代言合約,因此本人與該品牌全無任何關係。
謹此聲明。
袁文傑
二零一七年六月十五日
empty
(袁文傑fb截圖)
empty
網民都支持袁文傑嘅做法!(fb截圖)
empty
(袁文傑fb截圖)
empty
袁文傑話只係希望澄清件事!