【17:28】更新內容

今晨警方在大埔公路馬料水段近赤泥坪村對開截獲6部超跑涉危險駕駛，赤泥坪村村民黎先生不諱言，個個禮拜六、日都有車在該處超速駕駛，「禮拜六、日都係咁飛(車)、20、30架，全部靚車，梗係擾民，三更半夜12點幾飛到嘈到瞓唔著，個個禮拜六、日都係咁飛，擔心㗎，飛到又爬頭。」

黎先生指今晨未夠6點落住微微雨，又聽到超跑高速行駛，「有架反轉咗呀，嘈到醒晒，好勁，好遠都聽到，梗係捉到就好，唔好畀佢（司機）咁狼，事實上好危險，舊年試過有架車炒上斜坡2、3米咁高。」

沙田區區議員蕭顯航指出，多年前飛車黨已喜歡在假日及前夕的深夜至清晨在大埔公路飆車，貪其多急彎，汽車高速行駛的噪音往往對居民構成滋擾。蕭接獲不少居民投訴，亦曾陪同居民向運輸署及警務處反映問題，但情況未見改善。

此外，今次有超跑失事的大埔公路馬料水段一帶，限制時速50公里及70公里交替，即使一般駕駛者亦難以適應，該路段過往亦曾發生交通意外，而距離馬料水段約3公里的大埔公路大埔滘段，今年2月更發生九巴翻側釀19死嚴重車禍。有見及此，蕭顯航建議當局應將整段大埔公路的時速劃一行50公里，並在路段加設「快相機」，並促請警方加強在上址設置路障，打擊飛車黨。

你敢爆，我敢獎！ 立即WhatsApp《蘋果》24小時爆相爆片熱線 或致電：63836568