伍詠薇今日接受商台《1圈圈》訪問,除咗陳山聰,真係乜都肯答,包括前夫翁江培過身一事。
問到佢當年前夫過身被指貪錢兼剋夫,伍姑娘當時不好過:「 啲人聽個名或未見過我嘅人都鬧我,女人最盛放嘅時候,活潑任性年代但畀你地鬧,好悲哀。 (前夫死)招架不來,有一個人離開,要一個時期接受。啲人好多問題,有乜好問,你去問米,記者好多問題唔識答。當時細,死老公好大件事,又要諗家人。當時一路比人鬧,拍嘢唔會比好價錢。」
當時伍詠薇更被取笑可以領巨額遺產,佢話:「大家即時話我,我硬住頭皮出去。有年拍戲,有個男藝人叫我一億七,其實好唔開心,但抑壓。 全香港人會攻擊、鄙視我,拎我家事笑,女人光輝嗰十年我享受唔到。 」
逢周五隨《蘋果日報》附送嘅時尚美容雜誌《add》第三期雖然早已派完;拎唔到書嘅朋友,可以上番《add》嘅官網 http://add.appledaily.com睇番足本網上版,除咗有何超瓊專訪,仲有好多時裝靚嘢睇!