姚本輝馬房的「包裝鬥士」最近兩場由郭能分別跑泥地及谷草一哩賽都得第二，表現越來越好。

輝哥亦都相當重視呢隻孫達志留低嘅寶藏，今朝早（23日）七點四十分左右，隻馬由助手機坪踱步，佢全程喺欄邊睇住，出圈操練前又手指指落柯打。

「包裝鬥士」今次原班人馬再戰谷草第九場二班1650米 ，與主要對手「金匯龍華」負磅拉近只讓兩磅，絕對有力反先。