【日刊Sports映畫大賞】宮崎葵新婚現身 竹內涼真捱病缺席

蘋果日報 2017/12/28 14:00

竹內涼真日刊Sports映畫大賞宮崎葵菅田將暉蒼井優
    【新增圖片】
    日本「第30屆日刊Sports映畫大賞」今日舉行頒獎禮，現年24歲嘅菅田將暉穿上西裝到場接受最佳男主角殊榮，係呢個電影頒獎禮上歷年來最年輕嘅影帝，而菅田今年憑於四部主演作品《啊，荒野》、《帝一之國》、《奇蹟，降臨的一天》及《火花》大熱封帝，《啊，荒野》同時奪最佳電影。
    蒼井優憑《她不知道那些鳥的名字》成為最佳女主角，佢今日以鮮紅色長裙高貴領獎，而《第三度殺人》男星役所廣司、《解憂雜貨店》女星尾野真千子就分別獲最佳男、女配角，上屆贏得最佳女配角嘅32歲女星宮崎葵，今日以嘉賓身份頒獎予尾野真千子，係宮崎葵日前嫁V6成員岡田准一後首次公開露面，但其手上就未見戴有婚戒，而出爐影后蒼井優同岡田准一曾有過一段情，但宮崎葵與同場嘅蒼井優未有機會同台。
    最佳新人方面，《我想吃掉你的胰臟》嘅上位女星濱邊美波再度奪獎，《東京夜空最深藍》嘅石井裕也則封最佳導演，北野武都有出席獲頒石原裕次郎賞。今年爆紅嘅24歲男星竹內涼真靠《帝一之國》成為石原裕次郎新人獎得主，不過他拍罷《陸王》後卻患上流感，今日被迫缺席頒獎盛會。
    更多娛聞，喺晒《娛果》
    http://fb.com/appledailyent
    empty
    24歲嘅菅田將暉成為歷年來最年輕影帝。
    empty
    役所廣司
    empty
    濱邊美波
    empty
    北野武
    empty
    上屆最佳女配角宮崎葵向尾野真千子頒獎。
    empty
    宮崎葵日前嫁V6成員岡田准一後首次公開露面。
    empty
    出爐影后蒼井優高貴領獎。
    empty
    上屆影后宮澤里惠現身頒獎。
    empty
    今年一眾得主大合照。
    empty
    石原裕次郎新人獎得主竹內涼真，因感冒被迫缺席頒獎禮。