周柏豪今晚喺紅館舉行頭場演唱會，全場爆滿，仲搵嚟好友容祖兒坐鎮，合唱咗周柏豪所作嘅歌曲《天窗》。

柏豪為咗今次演唱會，據知花咗一年時間準備，包括操肌及練鼓。

柏豪一班圈中好友關心妍夫婦、連詩雅、陳靜及前緋聞女友鍾浠文等，都有到場，而柏豪女友跟家人及柏豪父母就分開兩邊坐。

場館以三面台佈置，演唱會一開始周柏豪半裸上身，塗上金粉從天而降，敲打台上嘅太鼓，之後唱出《異能》、《摔角》及《歹角》三首主打歌，佢邊唱邊跳曬落一地金粉。

唱到中途佢不斷呼籲場觀眾起立，更不時自摸下體做出挑逗動作。