韓流天王Rain跟大肚老婆金泰希上月底飛去意大利進行「胎教旅行」，不過二人非常低調，直到日前先被影到現身羅馬機場。而近日Rain就勤力咗更新Ig，公開於歐洲旅行時嘅側面照及風景照，有網民認出Rain拍照嘅地點係巴黎，未知係舊相，定Rain夫婦秘密飛咗去法國呢？

另外，Rain即將於12月初推出新碟，噚晚佢就於Ig公開一段準備新碟嘅短片，率先透露新歌風格，令人期待。