日劇《交響情人夢》嘅33歲男星小出惠介，近日爆出性醜聞，佢被指喺大阪拍劇期間約一名17歲女生夜蒲，少女飲醉後被小出帶往酒店，禁室培慾共6小時，其間發生性行為共5次，其中兩次更於體內射精。

小出所屬嘅Amuse事務所已安排佢無限期停工處分，由於Amuse受事件拖累股價下跌，有估計事務所或需賠約3億日圓（2,121萬港元）違約金。雖然事件涉及強姦，Amuse昨日再發出聲明指案件涉及刑事，已交由法律界相關專家處理。不過今日有消息指，小出將會記者會親自道歉。

至於17歲女事主遭起底後，原來係個單親媽媽，佢曾於Twitter炫耀與小出發生肉體關係，唔似如報道所形容被強行發生關係。另有報道指，女事主曾向小出索取500萬日圓（約35萬港元），當時小出未有向事務所尋求協助，私下跟女方講數望「減價」以200萬日圓（約14萬港元）私了，但女方最後都冇收錢，繼而向傳媒報料公開事件。