【頭部生蛇】強調唔關金燕玲事 蘇施黃:佢照顧我多過我照顧佢
蘇施黃金燕玲
蘇施黃在社交平台透露頭部生蛇,她今日在商台繼續為《大玩派》開咪,其間接受訪問,她見記者即強調:「唔關金小姐(金燕玲)事,佢照顧我多過我照顧佢。」今次已是蘇施黃第3次生蛇,第1次是數年前,但近幾個月就反覆生了2次,每次都在頭的右邊:「我將會喺下星期一去日本為ViuTV拍節目,有啲嘢未做過唔識,所以有啲緊張。」她表示生蛇無論看中或西醫,只能壓制病情,並不能根治:「睇醫生只係㩒住條蛇,唔可以殺到條蛇,今次我用頻率治療,希望可以幫到手。」她表示頻率治療需要儀器輔助,3次療程,她已做了2次:「噚日做咗,今朝去咗練習夾公仔後,之後再做療程,明日再做,上機前搞掂,夜晚就食中藥。」
蘇施黃指每次生蛇,頭也會很痛,有如閃電一般突然發作,但因為不想吃止痛藥,故病發時會痛得不能睡:「金小姐問我會唔會傳染,其實係唔會㗎。」她又指自己反過來,要由正在接受化療的金燕玲照顧:「我哋互相唔使照顧對方,佢捱過咗4次化療,第5次化療我陪唔到佢,希望佢堅強,佢骨痛痛長咗,就算痛都唔投訴,態度好好。有時佢情況好啲啲時,就問我想食啲乜就整畀我,我知佢想時間充實啲唔使諗個病。」
金燕玲在節目中表示每次化療也很痛楚,但仍然堅持:「同自己講,呢啲痛楚唔會永久,會過去嘅,雖然痛過生仔,但痛過咗去就會忘記,好開心完成咗4次療程,不久前才同大家分享第1次感受,唔經唔覺已經可以倒數最後2次。」
《MCU寶石時軸全記錄》
1套6冊解構Marvel電影宇宙
入場睇Endgame前必讀天書!
https://hk.adai.ly/IFk7iee55V
-----------------------------
【記住63836568】全民爆相爆片!下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI