當年今日
關於我們

【賽事走勢】好感動!大師兄歸位喇

蘋果日報 2017/06/14 21:25

賴維銘八號波巫顯東賽事走勢谷草之戰華將之夜

今晚(14日)乃今年首個八號波之後嘅首次賽馬,現場唔見有雨,今次B欄掛牌好地至快地,亦已經喺第四場之後進行壓地。
暫時跑咗四場賽事,雖然第四場頭馬「財神」由大師兄賴維銘從後殺上爆冷建功,但其實頭三場冠軍都係入直路時守前三名嘅賽駒,下半場亦宜揀可前置嘅賽駒。
騎師方面,見習生巫顯東頭四場未甩過前四名,共取得兩冠一亞一殿,騎師王以30分佔先,佢將由下期起升格做七磅仔,今晚以十磅仔資格嘅最後兩場,分別為第六場「愛美麗」及第八場「大英雄」,點可以錯過?
另外,大師兄賴維銘於第四場作出零的突破,今晚上半場可謂華將之夜!