講起芭迪貝伊(8297)旗下品牌Bodibra，第一時間就諗起佢嘅靚靚代言人江美儀，但原來江小姐舊年底已完約冇做。

點解唔同江小姐續約呢？芭迪貝伊主席陳麟書冇直接講，只係話當初搵江小姐，係因為公司主要客戶都係比較成熟，但嚟緊公司打算擴大客戶嘅年齡群，上至65，下至15歲都有，所以就換人。喔喔喔……明晒。

不過，江美儀為Bodibra拍攝幾輯性感廣告，的確曾經熱爆全城㗎。陳麟書話，仲物色緊新代言人，最緊要有知名度，配合公司發展內地市場。

掌握財經生活資訊，即Like「蘋果ATM」fb專頁啦！
http://fb.com/appledailyatm