【東京電影節】郭富城點名讚聰明 楊千嬅反問：你有冇俾我激親?
蘋果日報 2019/10/30 12:24
郭富城楊千嬅麥路人第32屆東京國際電影節
- 楊千嬅為日本影迷簽名
- 楊千嬅、郭富城、黃慶勳出席分享會
- 《麥路人》大隊參加東京國際電影節
- fans爭取機會和郭富城影合照
- 大會增加入場名額以滿足影迷
郭富城與楊千嬅主演、黃慶勳執導的電影《麥路人》入圍《第32屆東京國際電影節》「亞洲未來」單元，他們昨日於東京六本木EX Theatre出席全球首映及分享會，影片播放完畢，現場掌聲達5分鐘之久，反應熱烈。
千嬅身穿黑色單肩連身長褲與穿西裝的城城出席分享會，並以廣東話向觀眾打招呼。電影中以香港一群不同基層人士因各種原因，成了寄宿快餐店的「麥難民」，城城在戲中演失業的潦倒金融才俊，他也嘆道：「我上網搵資料先知『無家者』係世界性問題，日本都有好多人喺網店寄住，其實全世界都有，呢啲都係社會問題。」千嬅表示快餐店是她快樂童年回憶，以前一直很想去，現在亦會帶小朋友去吃東西及開生日會。
二人在分享會後再出席簽名會，城城說：「真心感動，同觀眾一齊睇戲感受好深，電影題材同角色都係講愛，每個人都需要愛，係一部好『愛』嘅電影。」城城又點名讚千嬅，千嬅即笑問城城：「你有冇俾我激親？」城城笑謂：「冇，你好聰明。」千嬅踢爆拍攝時好擔心：「睇住佢放飯，成個人仲喺戲入面，放到飯都放唔到個人，都唔係食飯，唔知佢有冇事，驚到我呢!。」