當年今日
關於我們

【名家即時睇】下一個我想見的小米潮物(高明)

蘋果日報 2014/05/15 06:00

高明名家即時睇

小米出電視,多多少少為電視重新搵番新用家。

電視機市場被三星「一廠獨大」之後,電視市場死氣沉沉,日本生產商加埋都唔夠三星打,電視觀眾都同時流失,冇咗好多年前煲電視嘅熱誠,觀眾反而流咗去睇網劇。

全靠蘋果出AppleTV,先至開始令到生產商重視番電視機市場,部電視有用番。好似為一個心跳停咗嘅病人做電擊咁,又俾佢電番醒。小米呢次亦都係跟住個大方向。

炒股票講價值,一樣係太過冇人理、太過平,價值就會浮現,但係就要有啲嘢刺激下佢,對上一個產品就係上面講嘅電視機,下一個有潛質會「活化」嘅可能係固網家用電話。

因為呢件產品真係潛得太深,人人一手機年代,真係冇乜機會用。舉高明自己做例,如果唔係要個傳真功能,都唔需要裝固網電話線。

咁冇人用嘅時候,當然就都見哂底,有炒升潛力。至於點樣先可以將固網家用電話轉型做潮人名物,呢個梗係留番畀蘋果、三星同小米啦!

高明

偶像派財派高明專頁:www.facebook.com/AppleKoming