韓劇《OH！必勝奉順英》女星秋瓷炫跟大陸男星于曉光去年初結婚，目前秋瓷炫約懷孕7個月，個肚越來越大。

佢同老公拍攝SBS綜藝節目《同床異夢2-你是我的命運》，帶挈于曉光喺韓國人氣急升，雖然佢哋出演節目深受觀眾歡迎，不過秋瓷炫為咗專心安胎，亦決定退出節目，專心為生B做準備。而噚晚播出嘅一集《同床異夢2-你是我的命運》亦預告二人將會退出節目，下一集將會喺二人出演嘅最後一集，令唔少粉絲大感失望。

秋瓷炫同于曉光去年7月開始演出節目，兩人喺節目中嘅互動得到觀眾喜愛，于曉光因為喺節目中表現得好可愛，所以被稱為「于可愛」，佢仲有自己嘅口頭禪「結婚真好」，成為潮語。

更多韓流，喺晒《娛果》
http://fb.com/appledailyent