由惠英紅、騰麗名、譚偉權及辛偉強主演嘅舞台劇《玻璃動物園》，將於12月29日起，在北角新光戲院上演，一眾演員今日去到半島酒店出席記者會，出席還包括導演張之珏及鍾景輝博士。

惠英紅表示，收到這齣舞台劇嘅劇本，是從演以來最長最厚，可能壓力關係，隨即血壓上升，惠英紅說：「見到劇本對白實在太多，四肢同左眼都爆微絲血管，搞到正在拍攝嘅電影都唔能夠連戲。」惠英紅表示，十多年未試過爆微絲血管，她說：「有一日拍戲前發現作腳變紫色，一隻眼都爆晒，好彩塊面冇事。」惠英紅笑言有點後悔接洽是次演出，但能參演舞台劇，令佢有特別感受，她說：「我未拍戲之前係出身於舞台表演舞蹈。」演舞台劇都是酬勞不高的項目，通常經理人公司未必肯讓藝人參與，惠英紅話：「我係老人家，有合理價錢，公司都唔會反對，俾我有自由度可以揸主意。」

滕麗名今次與惠英紅飾演兩母女，滕麗名話：「曾經飾演過紅姐徒弟，知佢性格，佢做嘢好認真，我今次飾演超自卑，有小兒麻痺症角色。」

精選娛聞，喺晒《娛果》
http://fb.com/appledailyent