【子健蘋馬】沈集成安排唞到夠 尾場真係佢「玩」晒!
子健開心好玩子健蘋馬
周日(5日)第十場二班1400米草地,「開心好玩」唞個半月回夠氣,沈集成繼去年十月後,再安排落場前試大閘,比正常做得更足!
此駒重新注入動力後,今次回配曾勝之利敬國,再爭同程強項,縱無陳嘉熙減磅,也覺有好無差!
跑馬唔係跑自己,要睇對手、形勢,比較自身條件,今次遇上這批所謂二班馬,唔計初出三駒,只得「牛角仔」季內贏過二班1200米而唔係1400米,其餘更加唔使講。
「開心好玩」近兩場先後遇到「幸福笑容」及「金鎗六十」等惡馬,今場既無這批強手,又無馬鬥搶,點計都惡!