38歲女星吳佩慈同百億富商未婚夫紀曉波生活美滿，育有3歲囡囡小蕊蕊同1歲囝囝漢斯，今日佢向台灣《蘋果日報》親證懷有第3胎，而且已經懷孕7個月，將會係一個巨蟹男B！

吳佩慈表示本來想低調，因為已經退出娛圈，覺得以懷孕嘅消息打擾公眾唔好意思。

吳佩慈ig上嘅相仍然係手腳纖幼，佢就話自己陀B 6個幾月時都唔算好見肚，但今個月突然暴飲暴食到一種境界，仲話根本唔想量磅重。雖然佢原本打算生5個，不過佢都話要休息一陣，因為親力親為教小朋友都好攰。