龔嘉欣今日去到尖沙咀為其代言嘅Unique Beauty主持喬遷開張，嘉欣已經連續5年擔任該代言，佢話慶幸每年都獲加人工，同老闆更成為朋友關係。嘉欣近日為拍新劇《跨世代》，喺戶外着上晚禮服，被太陽曬致背部燶黑，嘉欣話：「原先諗住今日着大露背，但係曬到背脊有個大交叉，曬燶咗着唔到。」嘉欣話同劇嘅森美都自稱曬到中暑冇人理，嘉欣話自己服裝清涼，唔使着太多衫已經算係舒服。嘉欣指森美o依家擁有一身肌肉身型，手臂粗壯如佢嘅小腿，嘉欣笑言：「我有摸吓佢手臂，好欣賞佢嘅肌肉，絶冇色情成份。」