大台頒獎禮噚晚曲終人散，《城寨英雄》狂掃6獎成為大贏家，當中就包括咗被指劇假情真嘅陳展鵬、胡定欣齊齊封視帝視后。定欣胸有成竹，冧莊封后，反而煎pan做視帝仍然好多爭議，「渠頭」VS「野人」VS「牙佬」呢場網民牙骹戰就仲未平息。

今早約9點左右，煎pan首先戴住黑超喺機場出現，一個人喺南面離境大堂入閘離境，佢邊行邊拎電話聽語音短訊，只係過咗十幾秒，定欣就由女助手、近十位fans陪同下現身相同閘口，不過定欣就冇排煎pan嗰條隊，揀咗另一行排隊入閘離境，佢一班fans就等定欣過咗關先走，據知，兩人今日要出發到台灣為新劇《同盟》拍攝。

嗱，明明噚日定欣得獎一刻，都有大方喺鏡頭前同煎pan抱抱互相道賀嘅，點解瞓醒又要前後腳入閘呢，唔係想避開班fans咁簡單啩？