林建名孻女林煒珽（Veronica）同未婚夫Steve、Moiselle太子女陳蕾安（Tiffany）、何正德、林恬兒夫婦同Rosemary等，噚晚喺金鐘出席雜誌頒獎禮派對。

Veronica遇上堂家姐林恬兒，兩人唔停密密斟咬耳仔，Veronica婚期10月就到，之前佢就去咗美國影結婚相，佢話：「本來諗住放假去玩，發覺喺香港冇乜時間，所以就即興去影相，喺出發前兩星期先book攝影師。」Veronica仲話向堂姐取經，要佢介紹好嘅攝影師同化妝師，而佢又透露婚禮有機會喺香港搞，O依家物色緊婚禮場地，而問到爸爸係咪已經預備咗嫁妝？會唔會送樓？Veronica話：「佢冇講任何嘢。」不過佢係最後一個女出嫁，所以都有唔捨得，仲話O依家都會多啲陪爸爸。而Veronica亦有生B計劃，婚後希望可以生夠兩個。

另外，Tiffany接受訪問，講返之前幫父母搞個神秘派對慶祝結婚周年，佢話自己都感動到喊，而未來佢亦向父母承諾，賺到錢會照顧返佢哋，就嚟父親節，佢話除咗請爸爸食飯，仲會送束花畀爸爸，因為之前母親節送咗花畀媽咪，要一視同仁。