有民主黨立法會議員指出，林太硬推放寬強拍門檻，無可否認能方便地產商在舊區收樓重建，對部份業主而言也是好事，不用因部份業主拒絕賣樓，令收購告吹，但建議未有同時照顧不肯接受收購業主的權益，「唔好忘記，強拍制係沒收個人產權，拎去強行拍賣，作為一個尊重私產嘅社會，一定要有好充份理由先可以咁做，要有好多規定防止有人濫用，但睇唔到政府喺呢方面有做嘢。」
另一名立法會議員指出，在林太眼中，只關心條例草案能否獲足夠票數過關，「總之夠票過，就算你再提幾多意見、幾多憂慮，佢都唔會聽。」可是，這不代表反對強拍的民意就此消失，「當越來越多業主因為放寬強拍（門檻）被迫賣樓，佢哋到時一樣會上街抗議，政府一樣要面對，或者林太覺得到爆煲時候，佢都唔再係發展局局長，可以由其他人去執手尾。」
本報記者