荷李活巨星畢彼特（Brad Pitt）及安琪蓮娜祖莉（Angelina Jolie）兩年前驚爆離婚，但官司一直拖足兩年都未完成，最近又爆出安琪蓮娜誓不放撫養權，更就6個仔女有幾多時間見爸爸都爭持不下，事件令到其律師都想辭職，而前「畢嫂」珍妮花雅麗絲頓（Jennifer Aniston）都加入戰團，力撐前夫對抗安琪蓮娜！

報導指，單官司之所以搞咁耐，係因為安琪蓮娜唔肯放撫養權，亦限制畢彼特與仔女嘅見面時間，令畢彼特一方好不滿。由於官司持續太耐，連安琪蓮娜嘅律師Laura Wasser都打算辭職。另外，自其宣佈離婚後開始與畢彼特復和嘅前「畢嫂」珍妮花雅麗絲頓，亦為前夫感到痛心，消息人士指：「珍妮花好了解畢彼特，佢為對方要為爭小朋友打呢場仗感到痛苦，又覺得安琪蓮娜咁唔成熟好可恥，覺得安琪蓮娜應該要以小朋友需要為先，並同畢彼特協議好呢個重要決定。」

精選娛聞，喺晒《娛果》
http://fb.com/appledailyent