求驗客手記:U21封王帶旺紅魔?

蘋果日報 2016/04/21 00:00


曼聯力壓熱刺,成為英超冠軍?明明曼聯喺數字上都已經冇可能追到李斯特城㗎。係就係贏英超,不過係班紅魔小將(圖)贏U21英超冠軍。曼聯U21喺周二作客出戰熱刺U21,以3:2險勝對手,仲有兩輪比賽未踢就提早鎖定冠軍。呢隊曼聯仔都唔係完全冇名氣,今場波入球功臣當奴路夫、安達斯彭利拿同埋古利姆華利拿,全部都有喺今季英超曾經代表一隊上陣,見拉舒福特踢得咁好,雲高爾會唔會考慮吓更加重用吓班後生仔呢?