現年34歲的張文采（Wendy）上月25日最後一次現身無綫新聞報道後，正式結束10年主播生涯；談得失，她笑言一定是失去了10年青春，但也不得不答謝舊公司多年來的提攜，令她學會了很多。

休息大約3星期，Wendy便會投入新工作，在一間醫療機構上班，屆時亦會在鏡頭前亮相。她透露：「會做一啲網上醫療節目，會訪問吓啲醫生，另外司儀同公關工作都會有，算係一個新嘗試，我都好多謝新公司肯等我3個月。」

一份工做足10年，說長不長，說短當然不短，Wendy回憶當初入行只是偶然。她說：「其實真係無諗過份工會做到10年，當年入行係偶然，讀完大學媽咪話梗係要做番Media啦，於是寄信去唔同電視台，本來打算做記者，但全部都無回音，最後亞視有回覆，但都係請主播，嗰時諗住入咗去先算，做咗幾個月之後遇上TVB挖角，咁就開始咗10年主播生涯。」

不過，除了看新聞報道，不少人認識Wendy是因為她曾經在娛樂版出現，當年她和羅鈞滿拍拖，最終分手收場，Wendy還在網上貼文自嘲愚蠢，白白浪費了4年時間，幸最後她終於遇到對的人，去年10月和任職消防員的男友結婚，正式成為人妻。重提舊事，Wendy仍表示完全沒有想過會在娛樂版出現，「當時好唔開心，因為只係好單純覺得只係做傳媒，唔明點解做主播會出現喺娛樂版，但之後都明白，可能主播平時喺電視出現，都係靚靚咁坐喺度，大家唔認識會覺得好神秘，想有興趣知。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇

採訪：鄉奈仁
攝影：陳俊強
影片：廖達燊
場地：廿一由八
化妝、髮型：MM TANG Makeup