當兩人至大廈地下時,一名手持磚頭的本地男子突然衝向他們,兩人見對方來勢洶洶,即時發足狂奔向專線小巴站方向逃去,男子啣尾窮追。
「佢兩個一路走,個男子一路追但未追到,點知兩個人跑咗約80米,走到麵檔對開突然一齊仆倒喺地下,咁樣就出事啦!」一名在路旁等客之的士司機目擊經過後說。
該的士司機接着又說:「個男人見到個事主仆低咗,立即衝前跪喺佢背脊,手起磚落,用磚頭連扑事主個頭三下。事主當場爆缸血流披面暈咗,個男人立即掟低塊磚頭向堅拿道方向逃去。」
救護員趕至替傷者包紮,邱女未有受傷但身上沾有傷者血迹,嚎啕大哭:「阿Sir,佢個頭流咗咁多血會唔會有事㗎!」傷者送院救治後情況穩定。警員在現場撿走被兇徒掟爛成兩截的磚頭及傷者血衣調查,正了解傷者遇襲原因。