香港一向都係荷李活導演至愛，由Dean Devlin執導、本星期上映新片《人造天劫》（Geostorm）就講到逆天氣候，颶災吹襲全球各地，包括上海、東京等地，香港當然都走唔甩，搞到旺角地陷及大爆炸，香港已定周四比美國搶先一步開畫。

《人造天劫》由謝拉畢拿（Gerard Butler）、占史杜哲斯（Jim Sturgess）等主演，近年打入荷李活嘅吳彥祖都有份演出，飾演一個香港嘅專家，佢發現到地球天氣因為衛星發生問題而引起巨變，其中嘅災難場面就喺香港實境拍攝，無論係地裂抑或骨牌式冧樓場面都夠晒震撼。