【本報訊】「PCXXXX，唔好屈手！」「請你講全名，會有律師支援你。」「XXX，唔好喊！」遮打道清場之際，一班義工協助大會記錄示威者資料，抄下屈手的警員編號，以便日後追究。廖錦綉（阿橙，圖）在7.2當日，近距離見着一個個被屈手的示威者面容扭曲，警察對義工的喝止充耳不聞，她感到無力，躲在一旁流淚。阿橙感謝示威者為公民抗命踏出這一步，「我未必可以同你一齊坐，但係我會喺側邊支持你哋」。
阿橙在志願機構工作，是和平佔中義工，「我第二日唔使返工，有乜藉口唔留低？」有些示威者被屈手時痛得哭起來，聽到阿橙的鼓勵會回頭，「警察當人好似燒豬咁抬，Madam都會對女仔屈手。我同示威者講唔好喊，其實我好想喊，想幫手又幫唔到」。

攝影師嘆「日出不再來」

有攝影師留守拍下此刻的中環，他向阿橙展示天亮的照片時慨嘆：「呢個時候去駱克道影日出會好靚，不過香港嘅日出，以後都唔會再嚟。」阿橙聽罷終忍不住，坐在路邊哭。經過這一夜，她說港人好像變了，支持者把他們的抗爭經歷在網上傳遞，足證511名示威者並不孤單。