自由黨批發及零售界立法會議員方剛同黨友周梁淑怡，噚日去咗為第八屆鞋款設計比賽頒獎。方剛噚日喺台上望到台下一大班鞋業老闆，即時趁機會擦鞋，大讚香港嘅鞋業世界知名，「意大利、西班牙，𠵱家全部都喺我哋後面！」八方覺得佢講漏一樣嘢，香港鞋油都首屈一指，你睇周街擦鞋仔就知。
方剛又不忘為業界大吐苦水，「鞋鞋」聲大數鞋商面對連串困難，包括美國經濟非常唔明朗，內地新勞動合同法出台，兼夾嚴厲執行環保措施，廣東省又缺電、缺工人，佢話相信港商要好有毅力先可以克服到種種困難，繼續搵錢。