當年今日
關於我們

【子健講馬】不是甚麼讓路 而是疊埋心水搏短途!

蘋果日報 2018/12/18 22:38

靚加加子健講馬讓路短途

沙田馬場明晚(19日)泥地夜馬第五場四班1200米,「靚加加」以泥地一哩最強,可是時移勢易,受傷患影響後,作戰能力已退至四班中級,若果跑泥地一哩,還再次些。
前仗泥地1200米排1檔,蔡明紹與「靚加加」都發揮出應有水準,只可惜直路取位稍有阻窒,遲望空追不到佔先機的「勇冠多」,錯失黃金機會。
當大家以為,「靚加加」上次復爭昔日首本路程一哩,應有好冇壞,可是跟守好位下,直路完全衝唔起。
有此兩仗對照,練馬師文家良應明白目前「靚加加」最佳出路,還是泥地1200米,縱稍嫌短,也因對手實力,遠不及一哩抵銷路短的不足。
部署了一個月,國際賽日(9日)報1400米做後備,攞定優先出賽權。今期(19日)有第三場四班 1650米,文家良冇硬要「靚加加」再跑此程,更非讓路予廐侶(冇馬報名),說明是疊埋心水,想「靚加加」跑番1200米,兼由蘇兆輝接手,夠贏!