【田北辰退黨】政治第二春未經深思熟慮 嘆葉劉撐容海恩唔揀自己人
田北辰退黨
分手要狠,比相戀勇敢,田北辰政治上的第二段婚姻再度分手收場;有別於2010年退出自由黨,田與葉劉淑儀此次「分後」火花四濺,雙方就新民黨路線發展隔空激辯。田北辰接受訪問時坦承婚前未經「深思熟慮」,指共諧連理之時說明要與中聯辦保持距離,但該黨與西環其後的親密關係「攞命」,更因新界東立法會選舉要找「外援」而不在內揀蟀而心灰意冷,點名指如公民力量譚領律是人選,葉劉卻極力推薦容海恩,大嘆:「我連揀第三個partner(拍檔)都冇input(參與)」。
葉劉2010年還未加入行會時,在反對將強拍門檻降低一役表現勇猛,令田北辰動心,認為她會「向選票說不」,一年後終締結良緣合組新民黨,隨著葉劉加入行會要與政府同一陣線,近年與中聯辦關係愈來愈密切,令他覺得不妥,例如葉劉在新民黨黨慶逐字讀出中聯辦主任張曉明的賀辭,他亦覺得不必;步伐相向,七年之癢前狠心斬纜。
是自己變了心,還是當初的情人變了樣?田北辰坦言,組黨時不知道對方是否已經想選特首,「如果你要問鼎呢個位,兩隻腳(他與葉劉)係好難走」,指加入行會對參選特首有幫助,亦必須保持與中央關係密切,「我諗佢個人內心真係冇變,因為佢有一個理想,令佢必要變」,只能以未夠「深思熟慮」,形容這場政治第二春。
葉劉在特首選舉後明言新民黨要擔當「開明建制派」,有否想過再給雙方一次「機會」﹖田直言不認為對方會改變,「個西人(葉劉競選辦總新聞主任Mark Pinkstone)出來講嘅可能佢(葉劉)心裡頭感受到嘅嘢(指中聯辦干預選舉),佢都劃清界線,就住就住,你就住啲咩呢﹖點解要就住﹖(或者)佢可能都仲有計劃。」
田重申「分手」沒有對或錯,只是雙方對事件有不同看法;至於葉劉說他退黨是因為「男人要多啲空間」,田笑言不明白退黨與性別有關。
除卻如一簽多行封頂等政策及政黨立場定位上的分歧,田北辰透露尚有一事令他意興闌珊,指去年新界東立法會選舉,他當時力撐在與新民黨合併的公民力量中揀蟀,「我係撐喺佢哋入面揀個人出嚟,不過我輸咗,我說服唔到個黨;我真係唔相信公民力量入面咁多人、咁多後生仔,冇一個我哋可以栽培,要去請外援?呢個亦係其中一件我好無癮嘅嘢,我連揀第三個partner(拍檔)都冇input(參與)。」
新民黨最終由在政壇寂寂無聞缺地區實戰經驗的大律師容海恩戰新東,外界一直盛傳容獲中聯辦推薦,田北辰只稱,「我冇嘢係針對Eunice(容),我唔知Eunice背景係點,總之葉太推薦佢啦」,他繼而強調若然自己他日退休,亦會在自己的團隊揀人接棒,無奈指:「我哋入面咁多人,都揀唔到個人要搵外面嘅人?你諗吓心情會係點,呢啲真係大是大非」。
原來他連新東出戰代表亦有心水,名字大家不會陌生,就是曾經在選舉論壇真情流露、排在容海恩名單第二的西貢區議員譚領律,「我幾欣賞佢㗎,個樣又幾好吖」,可惜最終也要外求,「呢啲咁嘅嘢會令到我真係......」。