韓劇《守望者》嘅35歲女星李詩英熱愛運動，早前佢宣佈奉子成婚，並將於本月30號結婚，不過李詩英冇話因為婚事而唔做運動，反而仲Keep住健康，繼續跑馬拉松。

李詩英日前密密為今日舉行嘅馬拉松賽事做準備，陀住6個月B都日練夜練，希望今日能順利完成賽事，而今日李詩英更順利完成咗半馬拉松賽事，佢仲興奮喺Instagram展示衝線短片，又大晒半馬證書，當中佢就用咗兩個多小時完成賽事，可以話最強孕婦。