當年今日
關於我們

唔介意與緋聞男友同場 謝婷婷:有隻手翹下都好

蘋果日報 2014/01/16 06:00

謝婷婷吳鎮宇戴尚安

謝婷婷及吳鎮宇等今晚現身會展VivienneWestwood活動,事先張揚會有婷婷嘅緋聞男友戴尚安(Sean)臨時缺席,而鎮宇更充當模特兒行騷。

對於Sean甩底,婷婷就話唔知情:「唔清楚,冇約定,過年前大家都忙,以我所知,佢唔喺香港,我都唔介意同佢同場,我今晚着條長裙,有隻手翹下都好。」

咁幾時帶Sean見父母食餐飯呢?婷婷笑言:「未知,屋企人食飯都係最後一分鐘先知,爹哋見到報道都覺得突然,問我係唔係之前做嘢見過嗰個,佢嗰日執得好正。」

有指婷婷攞返與安志杰共同養嘅愛犬,她表示:「有睇佢instagram都知佢仲有養狗,我喺有一次佢出咗埠,去過佢屋企探過隻狗。」