對於韓星來講依家最佳嘅搵銀地方一定係內地，見佢哋成日去內地出席活動同埋搞見面會就知內地個市場幾咁大。

噚日又有兩位韓星去咗內地搞粉絲見面會，分別就係男團JYJ嘅朴有天同李鍾碩，佢哋兩位新一代韓流天王，分別就係北京同廣州搞見面會，朴有天就現身北京，佢仲好有心思，為咗粉絲刻意苦練中文獻唱，仲揀咗陳奕迅嘅《十年》同光良嘅《童話》嚟答謝粉絲，之後佢仲自爆話想挑戰內地嘅武打片，認真識冧內地粉絲。

至於李鍾碩亦唔輸蝕，佢係廣州見面會上就三次大擺萌樣冧粉絲，搞到現時嘩聲四起，不過當主持人要求佢七歲就學跆拳道嘅李鍾碩展示一下功夫時，李鍾碩猶疑片刻之後最後都話PASS唔做，所以粉絲都冇緣見佢嘅英姿。