有打開麻雀的朋友都聽過一句話：「食頭糊，輸甩褲」，估唔到連賽馬都啱用。上季李易達憑「齊勝」食完頭糊後，結果就未能上岸。今季，佢喺兩場五班賽都有出馬，分別為「銳領群駒」同「瀟洒勁龍」，前駒落五班後開始接近兼正值評分新低；後駒在四班已見接近，現初落五班。而五班賽通常都編為頭場，就睇吓李易達敢唔敢食呢鋪啦。