【質素超群】上場贏馬太輕鬆 羅富全晨操都要留神!
繽紛遊戲羅富全動態積極
練馬師羅富全目前已勝出16場頭馬,位列練馬師榜第5位,成績漸入佳境。周日(23日)雖然出馬唔算多,八駒在六場馬列陣,不過大多數具備爭勝實力,隨時連場數糊。
其中角逐第四場四班草地1400米的「繽紛遊戲」今朝(21日)由助手策騎出圈操練,臨近收操時,羅富全本身在馬房親自打點,亦跟出烽火台觀操,隨後又在馬房大閘口接馬。
4歲「繽紛遊戲」為今季紐西蘭自購新馬,上場初出跑四班泥地1200米,輕輕鬆鬆後上贏馬,超班本色顯露無遺,今次轉跑草地1400米賽事,潘頓停賽換蘇兆輝,再下一城肯定冇難度。