【黃色經濟】懲罰杜汶澤「企硬」門票1小時賣晒 網民︰想阿叻做嘉賓
蘋果日報 2020/05/14 11:56
杜汶澤陳百祥阿叻喱騷香港企硬
- 有人提議搵同阿澤拍過《低俗喜劇）的陳靜做嘉賓。（資料圖片）
- 阿澤上次撐老婆田蕊妮開騷。（資料圖片）
- 有網民留言想毓民做嘉賓。（資料圖片）
- 阿叻的世界充滿歪理。（資料圖片）
- 網民提議搵阿叻做嘉賓。（FB圖片）
杜汶澤日前宣佈今年11月5及6日會舉行兩場名為「香港企硬」棟篤笑，門票今早10點在快達票網發售，門票1小時內售罄，不少網民連按「F5」的機會都沒有。據知「企硬」將加開7及8日兩場，其餘場次要視乎場地而定。
今日一早阿澤在喱騷網頁貼出「爆X晒」的公告，留言話「在喺大家撳飛撳到電腦大爆炸之際，桔梗誠意懲罰：『杜汶澤《Stand Up Hong Kong》香港企硬』，門票經已火速賣清光！一個鐘頭就冇X晒，哭X死我了，多謝大家買飛入場懲罰CEO！」
阿澤今日接受《蘋果》訪問，他以短訊回覆表示「首先好多謝觀眾先啦，賣咗一個鐘就賣晒，好感動。其實決定好保守，原因係自己做生意同打工真係兩回事，唔同心態，做嘢就謹慎啲，你知而家時勢唔好，唔係好夠膽開好多場。而家見反應咁好，會盡快同場館聯絡，加得幾多得幾多（場）。」
另外，有網民在喱騷網頁留言，話「想睇田蕊妮做特別嘉」同「想睇阿田粗口串阿澤」，亦有人提議搵黃子華、黃毓民同「爆炸糖」陳靜，最特別的是有人提議找阿叻陳百祥出席，重現港台節目《視點31》阿澤同阿叻對壘一幕，阿叻經典金句「我睇唔到，聽唔到」。