演得又唱得嘅尊尼狄普（Johnny Depp）一向熱愛搖滾音樂，仲有自己隊band「Hollywood Vampires」，近日佢就同前Oasis成員、搖滾巨星Liam Gallagher喺英國嘅Glastonbury Festival音樂節聚頭，原來呢對老友喺90年代成日一齊蒲，而且仲超過10年冇見，所以佢地一見面就喪劈，夾埋隊咗成40支伏特加！

據英國《每日鏡報》報導，呢對巨星老友喺90年代成日一齊飲、一齊蒲，而前日尊尼狄普表演完之後，就專登去睇Liam Gallagher表演，據知情人士透露，兩條友見面立即喪飲，總共叫咗40支伏特加、10箱啤酒同5大支香檳，非常誇張，最後大家都盡興而歸。