楊采妮前晚與劉德華在天后拍戲，劇情講述華仔背着飾演其妻的楊采妮，私會模特兒，令跟蹤他的楊采妮傷心欲絕，情緒失控在路旁痛哭。分飾醫生和髮型師的華仔表示一人演兩角，拍得他精神分裂。

劉德華前晚和楊采妮（Charlie）在天后拍攝電影《再說一次我愛你》，劇情講述Charlie懷疑老公華仔移情別戀，所以跟蹤他，最終發現華仔私會模特兒，還在女方寓所過夜，患有心臟病的Charlie傷心欲絕，情緒失控在路旁痛哭，其間下雨淋得全身濕透。

做足防走光措施

Charlie表示早前拍電影《七劍》時，亦拍過一場水中對打戲，所以她早有經驗，會事先做好防走光措施。而拍這部電影，精神上比肉體上來得辛苦，Charlie說：「雖然要日曬雨淋，但我體能上都能應付，反而精神上要做好準備，因為角色情緒起伏好大。我演一個心臟病人，之前已經同心臟科醫生同病人傾過偈，了解一下點樣演。其實拍嘅時候我都好難抽離，只係收工後有其他工作畀我分心，先可以抽離角色。」
在片中一人分飾髮型師和醫生的華仔接受訪問時，笑指同時飾演兩角令他精神分裂，他說：「性格都分裂埋，不過我演嘅時候都好清楚自己做乜，以前拍《雙龍會》都試過，但當時做孖生兄弟，今次唔係兄弟，感覺唔同。」

華仔否認拍西片

華仔又表示在戲中很少剪髮場面，問他可會為兩位女角剪髮，華仔說：「唔知佢哋肯唔肯畀我剪，我以前冇嘢撈時，都幫過譚詠麟、曾志偉同泰迪羅賓剪髮。最近就幫過黃日華剪，佢想留長頭髮，大家勸佢唔聽，我咪親自幫佢剪，剪到好短咁，佢開頭都嬲㗎，剪完先開心番，我剪到佢成個《過客》咁嘛。」
華仔又透露拍罷《再》片，十月會拍張之亮的《墨子攻略》，早前有傳他將與奇洛李維斯合作，華仔說：「唔係，都冇西片接觸過我。」
至於有指華仔推馮小剛的戲，華仔表示本來馮小剛的戲是現在拍，但對方劇本未出，要推到十月，但他十月的期早已給張之亮，故只好將明年才開的《再》片提前到現在，他明年還要拍一齣《武林》。
採訪：駱華齡　攝影：何國豪