莫惠涓在八歲時隨家人移民澳洲，大學畢業後在當地小學任職教師，她於九六年回流香港，從事地產代理，並於公餘時間擔任義工，到石硤尾舊區上門替貧困長者理髮，不僅剪出興趣來，亦令她萌生開辦老人院的念頭。
免費接載睇病
「我接觸嘅老人家之中，好多都係仔女唔喺身邊，冇人照顧，居住環境好差，慢慢令我了解到香港老人福利服務嘅不足，我希望可以為佢哋提供一個安樂窩。」
九九年四月，莫惠涓與友人合資開辦了第一所老人院，短短三年，已經擴展至四間，合共提供三百多個床位。對於不能負擔宿費的貧困長者，莫惠涓亦會大開「方便之門」。
「有個老人家曾經同我講，佢話仔女冇理佢，問我可唔可以住喺度先，等佢攞到綜援先至還番錢畀我，我話就算你申請唔到，你都可以安心喺度住。」莫惠涓說。
莫惠涓真真正正用「心」去為長者服務，不僅長者能夠切身感受，就連業主亦肯主動減租，她便將省回來的回贈給住院長者。
「我知好多老人家鍾意出街買吓嘢食，所以我會按個別情況每個月畀三百至五百蚊一啲行動方便嘅院友，當做零用錢。」莫惠涓還說，不少體弱多病的院友需要經常覆診，但卻無法負擔來回醫院的車費，她會安排私家車免費接載，盡顯她的細心及愛心。院友在生時莫惠涓固然關懷備至，遇到貧困院友不幸病逝，她亦會替他們免費執葬，照顧十足。